रोट्रयाक्ट भैरहवाद्वारा भीम अस्पतालमा रक्त सञ्चार सहजीकरण कार्यक्रम

भैरहवा, २१ भदौ ।
रोट्रयाक्ट क्लब अफ भैरहवाले रक्त सञ्चार सहजीकरण कार्यक्रम (पहिलो चरण) भैरहवास्थित भीम अस्पतालमा सम्पन्न गरेको छ ।
कार्यक्रममा बोल्दै प्रमुख अतिथि भीम अस्पताल विकास समितिका अध्यक्ष नारायण प्रसाद भण्डारीले रोट्रयाक्ट क्लब अफ भैरहवाले आफ्नो ३२ जना सदस्यहरुको नामसहितको बोर्ड राखी हरेक समय रगत आवश्यकता हुँदा रगत दिन तत्पर रहेका युवाप्रति आभार व्यक्त गरे । भीम अस्पतालमा ब्लड बैक स्थापना गर्ने योजना रहेको उनले बताए ।

विशिष्ट अतिथि रोटरी डिष्ट्रिक ३२९२ का जोन ३१ का ए.जी. सन्जिब शर्मा रेग्मीले रोट्रयाक्ट क्लबको यो कार्यले दुर्घटनामा परेका र डेंगु भएकालाई फ्रेस ब्लड आवश्यक पर्ने भएकोले यो कार्यक्रमबाट धेरैलाई लाभ हुने बताए ।